آزربایجان موسیقی سی روحو تومارلایان، دینجه لیش باغیشلایان دیر. بئله بیر اوستون، درین ودیرلی موسیقی نین یارانیش، اینسانلیق، گؤزللیک، اوجامانلیق، شرف، توپراق و وطن سئورلیک له ایلگیسی وار.
جانلاری بیر- بیره قوووشدوران، کؤنول لری زیروه لره چاتدیران دیر. بللی دیر کی موسیقی سیز یاشاماق، انگین شورانلیق و چؤل لرده آواره اولماق دیر.
موسیقی یاشامین تملی، حیاتا روح، فیکره قاناد، کؤنوله اوچماق، اوره یه چیرپینما و اینسانین یاشامینا دوزگون معنا وگئرچک قاورام باغیشلایان دیر.
«اوخو ای بولبول شئیدا،گولِ خندان اوخوسون
گؤرسون اؤز عاشیقینی،شورایله جانان اوخوسون
وطنین بولبول شئیدالرینی شورا گتیر
اوخو بیر نغمه بوتون آذربایجان اوخوسون
موسیقی صنعتینی آذرِ بایجان یارادیب
بؤیله ایجادی گرک یاخشی غزلخوان اوخوسون
تبریزین نغمه سینی خالق یاراتمیش واحد!
قوی دئسین فیکریمه احسن،بوتون عیرفان اوخوسون»
بوگون«تبریزیم» ماهنیسینی، آیدین باخیشلی،بیلگین و درین دوشونجه لی ،باجاریقلی و آزربایجانین گوونمه لی هونرمندی، مئهرداد کسانی جنابلاری، گؤزل و اوره یه اوتوران سس له اوخویوب واوجامان خالقیمیزا ایتحاف ائدیب لر واوجا سس له سسله نیب وفریاد ائدیب لر کی:
ای تبریزیم! حماسه لر سندن ایلهام آلیبلار وبو شرف قایناغینا خاطیر تاریخ بویو دیل لرده قالیبلار…
مئیدانلاردا جاندان کئچن، دایانان و عیززت یارادان ارنلرین یوردوسان ای تبریزیم!
بیرینجی لر شهری ، آذربایجانین شانلی قالاسی، شرف دنیزی،شهریارلار کانی، ایگیدلر سنگری، غئیرت لنگری سن سن ای تبریز!
باج وئرمه ین، کیمسه نین باشینا تاج وئرمه ین پادشاه سان ای باش اوجا تبریزیم!
یاشاسین سنی یاشادان، اورکدن سنه فخر ائدیریک ای شرف دنیزی !
تبریزیم! سن اؤزون اؤزل بیر مکتب سن … سس – سسه وئریب اوجا سس له باغیریب فریاد ائتمه لیییک:
